Исланд е првиот противник на Македонија на патот кон баражот

фото: РФМ

Денеска со почеток од 17.00 часот нашите најдобри ракометарки ќе го играат првиот натпревар од квалификациите за пласман во баражот за пласман на Светското првенство.

Во квалификациската група се наоѓаат уште селекциите на Литванија и Грција кои ќе се соочат од 19.00 часот.

Сите мечеви ќе се играат во Спортскиот Центар „Борис Трајковски“ – Скопје,  апрвопласираните две репрезентации ќе го обезбедат мундијалскиот бараж.

В сабота од 17.00 часот избраничките на селекторот Симе Симовски ќе играат со Литванија, а в недела во истиот термин против Грција.

За денешниот меч против исландските ракометарки Симовски на располагање ќе ги има: Стојковска, Гакидова, Боризовска, Џатевска, Тасевска, Ѓорѓиевска, Серафимова, Мицевска, Јовановска, Кипријановска, Ристовска, Ливриниќ, Стојановска, Дабевска, Гичевска, Николиќ.

Видео на денот