Илхан Ќучук: Потребен е национален консензус во Македонија, потрагата по непријателот не ја води кон ЕУ
Разбирањето на проблемите на земјите од Западен Балкан, нашето искуство и експертиза би биле корисни за самата Европска Унија. Наш национален интерес е регионот на Западен Балкан да се поврзе со Бугарија. РС Македонија треба да гради мостови, а не ѕидови, бидејќи ѕидовите водат кон омраза, изјави бугарскиот европратеник Илхан Ќучук и лидер на европските либерали во интервју за агенцијата БГНЕС.
Во неговиот мандат во заминување од ЕП, Ќучук беше известувач за напредокот на Македонија на нејзиниот пат кон ЕУ.
„Сè уште посакувам да има национален консензус во Северна Македонија, бидејќи во потрагата по непријателот не се решава ниту еден проблем, ниту се дава перспектива за РСМ кон ЕУ. Градењето ѕидови меѓу соседите е погрешна политика која создава омраза, а градењето мостови е добра и правилна политика која отвора можности“, смета Илхан Ќучук.
Европратеникот е дециден дека сите заедно треба да одиме во обединета ЕУ.
„И сега граѓаните на Северна Македонија треба да го направат својот избор, дали да дадат поддршка на оние што ќе ги повлечат назад, ќе ги одведат од ЕУ, дали се подготвени да ја платат таа цена или да дадат конкретна, фокусирана поддршка на оние што ги сакаат да ги водат напред, а со тоа напред разбирам добрососедство и пријателство со соседите. Без ова не може да има ЕУ“, категоричен е европратеникот од групата АЛДЕ.