Играта „Синхроницитети – Чувари на приказната“ на Марко Трпески ќе има практичен приказ во галеријата „Метаноја“
Авторот Марко Трпески за своето дело пишува дека „Чувари на приказната“ е „друштвена (или осаменичка) игра чија цел е да поттикне креативно пишување и патешествие низ значенските мапи на симболите, потсвеста и имагинацијата. Играта ги поврзува визуелното и зборот во еден интуитивен процес на создавање и размислување.“
Препорачано
Покрај Марко, на промоцијата ќе има уште тројца чувари на приказната кои со зборовите, како со меч со две острици, ќе „сечат“ пат низ семантичкита џунгла: Ана Голејшка Џикова, Коста Милков и Ѓоко Здравески.
Промоцијата ќе се одржи на 5 ноември, во 19 часот, во галеријата „Метаноја“, од каде известија дека со настанот отвораат нова приказна во галеријата, каде два галериски салона ќе се „огледуваат“ еден во друг.
– Задоволството е уште поголемо што оваа приказна ќе почне да се „раскажува“ со промоцијата и изложба на новото авторско дело на визуелниот уметник Марко Трпески, „Синхроницитети – Чувари на приказната“ – истакнуваат од Галерија „Метаноја“ (Во огледалото).
