Господинот Тачи ми се јави три пати. Јас еднаш му кажав дека ќе гласам по законот, потоа не му кренав и третиот пат му одговорив, а тој ми кажа да гласам по законите и моите принципи и убедувања од фактичката ситуација. Ова денеска на јавна седница на скопска Апелација го кажа поранешен член на Државната изборна комисија (ДИК) Бедредин Ибраими кој ја има обжалено казната од 4,6 години затвор во процесот „Титаник 2“ каде му се судеше за злоупотреба на функцијата.

Ибраими со својот исказ призна дека му се јавувал лидерот на ДПА Мендух Тачи за време на седнциата ан ДИК во 2013 година кога се одлулувало за приговорите за локалните избори, но нагласи дека одбил да прима инструкции.

На денешната седница во Апелација не е присутен само осудениот Мендух Тачи. Него го застапува само адвокат.

Во првостепениот процес лидерот на ДПА Мендух Тачи беше осуден на 3,2 години затвор, Сашо Мијалков доби три години, а Сашо Срцев, Анета Стефановска и Влатко Сајковски беа исто така осудени на три години затворска казна.