Холандската влада сака да го ограничи бројот на студии кои се учат на англиски, универзитетите не се согласуваат
Холандската влада се стреми да ја намали количината на содржини на англиски јазик на додипловските студии на државните факултети. Кога Хуанита Марин наполнила 18 години, таа одлучила дека сака да студира економија надвор од нејзината родна Колумбија и погледнала кон најдобрите факултети во Европа, пишува „Еуроњуз“.
Таа поминала едно лето во Германија и сакала да се врати назад, но кога ги погледнала нивните универзитетски дипломи на англиски, сфатила дека тие не постигнале високи резултати на рангирањето. Но, затоа холандските факултети го направиле тоа.
Таа го пронашла Универзитетот Тилбург во Холандија, кој нудел добри програми целосно на англиски јазик и висок ранг во економијата.
Оваа комбинација ѝ помогнало да одлучи. Земјата ја пречекала заедно со илјадници други странски студенти – 115.000 само во 2022 година – што претставувало 35 отсто од вкупното студентско тело.
Тој број е во пораст во последната деценија, но сега холандската влада се обидува да го ограничи.
Холандскиот министер за образование, Роберт Дијкграф, планира да го ограничи процентот на часови на странски јазици на универзитетите.
Целта е да се намали количината на содржината на англиски јазик на додипломските студии.
Ова ограничување доаѓа откако минатиот декември беше побарано од универзитетите да престанат активно да регрутираат странски студенти. Министерот ја оправда одлуката со тоа што интернационализацијата доведува до преоптоварување на наставниот кадар и недостиг на сместување за студентите.
Тој, исто така, тврди дека зголемувањето на бројот на курсеви што се изучуваат на холандски ќе ги поттикне странските студенти да го научат јазикот и да останат во Холандија.
Но, голем број од универзитетите во земјата не се согласуваат со оваа одлука на Министерството за образование, а борбата за конечно решение е сѐ уште во тек.