Жена е ранета и е критична состојба откако била застрелана во зградата на Конгресот, во која упаднаа приврзаниците на Доналд Трамп. Американските медиуми објавија дека во судирите се повредени неколкумина полицајци, од кои најмалку еден е превезен во болница.

„Насилството и уништувањето што се случуваат во Конгресот мора веднаш да престанат. Почитувајте ги силите на редот и веднаш излезете надвор“, напиша Пенс на Твитер.

Портпаролката на Белата куќа, Кејли Мекенени, изјави дека Трамп им наредил на Националната гарда и на други федерални служби да помогнат во смирувањето на нередите во Вашингтон.