Гвардиола: Да се биде најдобриот фудбалски клуб на светот е извонредно достигнување
Менаџерот на Манчестер сити, Пеп Гвардиола ја коментираше победата на неговиот тим во финалето на Светското клупско првенство синоќа против Флуминенсе. Шпанецот е горд на успехот на неговиот тим:
– Толку сум горд на овој клуб. Она што го направивме е извонредно достигнување. Освојувањето на овој трофеј значи да се биде најдобриот тим во светот и нашите играчи, нашите тренери, сите во клубот кои работат напорно секој ден за да ни го донесат овој успех – изјави Гвардиола.
Тоа што се издвојува е тоа што „Граѓаните“ продолжуваат да се борат за трофеи, без разлика колку веќе имаат освоено.
– Како тренер, најмногу сум горд што секогаш сме на врвот. Без разлика колку победи, без разлика колку трофеи ќе подигнеме, ние сепак сме тука да се бориме за следната. Одржувањето на овие пет големи титули го покажува уникатниот менталитет на овој тим, клубот и неговите навивачи. Тоа е нешто што ниту еден англиски тим го нема постигнато и секогаш ќе го паметиме ова неверојатно време поминато заедно – рече Гвардиола.
Инаку ова е прва титула за Манчестер сити на Светското клупско првенство, од англиските клубови по една имаат и Манчестер јунајтед, Ливерпул и Челси.