Градоначалникот на Њујорк го нарекува „чин на војна“ заробувањето на Мадуро
Едностраниот напад врз суверена нација е чин на војна и кршење на федералното и меѓународното право, објави градоначалникот на Њујорк Зохран Мамдани на својот профил на социјалната мрежа Икс.
Препорачано
– Утрово бев информиран за заробувањето на венецуелскиот претседател Николас Мадуро и неговата сопруга од страна на американската војска, како и за нивното планирано затворање во федерален притвор тука во Њујорк. Едностраниот напад врз суверена нација е чин на војна и кршење на федералното и меѓународното право. Оваа очигледна потрага по промена на режимот не влијае само на оние што се во странство, туку директно влијае и на жителите на Њујорк, вклучувајќи ги и десетиците илјади Венецуелци кои го нарекуваат овој град свој дом. Мојот фокус е нивната безбедност и безбедноста на секој жител на Њујорк, а мојата администрација ќе продолжи да ја следи ситуацијата и да издава релевантни упатства – напиша тој.
I was briefed this morning on the U.S. military capture of Venezuelan President Nicolás Maduro and his wife, as well as their planned imprisonment in federal custody here in New York City.
Unilaterally attacking a sovereign nation is an act of war and a violation of federal and…
— Mayor Zohran Kwame Mamdani (@NYCMayor) January 3, 2026
Претходно американските медиуми објавија дека Мамдани лично го повикал претседателот Доналд Трамп за да го изрази своето силно противење на апсењето на венецуелскиот претседател Николас Мадуро и неговата сопруга.
„Му се јавив на претседателот и разговарав директно со него за да го изразам моето противење на овој чин и да разјаснам дека ова противење се заснова на спротивставени аспирации за промена на режимот, кршење на федералното и меѓународното право“, изјави Мамдани за новинарите за време на прес-конференцијата во Бруклин. Белата куќа сè уште не го коментирала повикот, објави Си-Ен-Ен.
Мамдани, кој е само на третиот ден на својата нова функција. Авионот во кој е Мадуро пристигна во воена база во Њујорк и токму во овој град тој ќе биде во притвор.
