18.8 C
Скопје

Големи казни за двајца гостиварци кои не седеле во домашна изолација

За двајцата обвинети, Основното јавно обвинителство Гостивар поднесе предлози за издавање казнени налози, со кои му предложи на Основниот суд Гостивар да им изрече парични казни од по 100 дневни глоби.​​

Двајца гостиварци од Јавното обвинителство се обвинети за непочитување на здравствените прописи за време на епидемија.

Првиот обвинет од село Голема Речица, на кого му бил определен задолжителен здравствен надзор и домашна изолација, не постапил согласно решението на здравствените власти, па на 03.11.2020 година го напуштил домот. На наведената домашна адреса бил затекнат само неговиот син, кој кажал дека не знае каде е татко му. Следниот ден полициските службеници извршиле разговор со обвинетиот, кој потврдил дека го напуштил домот, пешки се движел покрај реката Вардар до селото Равен и назад, купил лекови од аптека и се вратил дома.

Вториот обвинет, пак, исто така имал Решение за лекување и изолација издадено од Државниот санитарен и здравствен инспекторат и од 6 минатиот месец требало да остане во домашна изолација во село Равен. Но, на 12 февруари без дозвола ја напуштил државата и со авионски лет од Меѓународниот аеродром Скопје отпатувал во Минхен, Германија.

За двајцата обвинети, Основното јавно обвинителство Гостивар поднесе предлози за издавање казнени налози, со кои му предложи на Основниот суд Гостивар да им изрече парични казни од по 100 дневни глоби.​​

Поврзани вести

180 санкционирани возачи во Скопје

Слободен печат

Прилепчанецот Ајровски доби притвор откако во камионот што го управувал беа откриени 324 килограми кокаин

МИА Агенција

Изгоре камион кај Струмица

Слободен печат

Битолчанец осомничен за недозволена трговија со дрога

100 санкции за непрописно вградени „фолии” и светлосни и звучни уреди во возила

Слободен печат

Во Тетово апел до граѓаните да се воздржат од пукање на свадби

Слободен печат

Остави Коментар