Пет лица, меѓу кои четири деца, загинале во понеделникот во пожар кој избил во една станбена зграда во Волоколамск, област во Москва.

Во пожарот, кој избил на прв спрт, три лица се повредени, соопштила агенцијата Тас во регионалното министерство за вонредни ситуации.

Меѓу загинатите била 30-годишна жена и нејзиното тригодишно дете додека се обидувале да побегнат, но се загушиле од чадот.

Телата на уште три деца биле најдени во еден од становите кои ги зафатил пожар. Пожарникарие успеале да евакуираат 12 лица.

Пожарот избил нешто пред 2.30 часот по локално време. По доаѓање на пожарникарите, два стана веќе потполно изгореле.

Во зградата имало 17 жители, а причината за избивањето на пожарот засега не е позната.