Годишната изложба на фотографии на Фото клуб „Елема“ е поставена во Галерија „Рудиќ“ во Скопје
![](https://www.slobodenpecat.mk/wp-content/uploads/2024/04/Elema-2024-Rade-Lukovic-web.jpg)
Изложбата „Елема 2024“ го означува креативниот и творечкиот континуитет на ФК „Елема“ низ долгите години постоење и промовирање на фотографската уметност.
Како прва годишна клубска изложба таа ги најавува идните активности на клубот кои ќе бидат претставени во периодот што следи, со јасен акцент на индивидуалноста на авторите и слободниот дух, секогаш со нов пристап и нови трендови кон создавањето на фотографијата, за што „Елема“ секогаш имала капацитет.
Со големата поддршка на Галерија „Рудиќ“ и заложбата на членовите на клубот, изложбата станува достапна на љубителите на фотографската уметност. Фотографската изложба на клубот „Елема“ ќе биде отворена на 2 април, во 19 часот.
![](https://www.slobodenpecat.mk/wp-content/uploads/2024/04/Elema-2024-Vladimir-Arsovski-web.jpg)
![](https://www.slobodenpecat.mk/wp-content/uploads/2024/04/Elema-2024-Vaclav-Lukic-web.jpg)
![](https://www.slobodenpecat.mk/wp-content/uploads/2024/04/Elema-2024-Dejan-Gileski-web.jpg)
![](https://www.slobodenpecat.mk/wp-content/uploads/2024/04/Elema-2024-Boro-Rudic-web.jpg)
![](https://www.slobodenpecat.mk/wp-content/uploads/2024/04/Elema-2024-Kiril-Shtrkov-web.jpg)
![](https://www.slobodenpecat.mk/wp-content/uploads/2024/04/Elema-2024-Cvetan-Gavrovski-web.jpg)
На изложбата „Елема 2024“ се изложени фотографии на познати и реномирани македонски автори, меѓу кои Раде Луковиќ, Дејан Гилески, Кирил Штрков, Вацлав Лукиќ, Цветан Гавровски, Владимир Арсовски, Катарина Николов, Драгољуб Николовски и Боро Рудиќ.