Ѓорѓиевски: Кисела Вода ќе биде првата општина каде нема да се чека за упис во градинка
Во рамките на Светската недела на детето, Општина Кисела Вода обезбеди играчки, музички плеери и дидактички материјали за детската градинка „8 Март“, со кои ќе се збогатат учењето и играта на најмладите.
Ова е период кога децата се развиваат и ги откриваат и дефинираат своите потенцијали, па е многу значајно градинката во која го поминуваат денот да им овозможи тој процес да се одвива непречено – вели градоначалникот Орце Ѓорѓиевски.
Тој истакна дека ова не е единствената инвестиција на Општината во градинките и дека за две години само за опрема и снабдување на градинките се вложени околу 17 милиони денари, а изведени се и инфраструктурни зафати, односно отворени се две нови градинки и проширен е капацитот на постоечките објекти.
Во периодот што е пред нас сме фокусирани на изградба на нови градинки, со што се надевам, Кисела Вода ќе биде првата општина која нема да има деца кои чекаат за упис, а можеби ќе можеме да им излеземе во пресрет и на другите соседни општини кои се борат со овој проблем – рече Ѓорѓиевски.