Српскиот тенисер Новак Ѓоковиќ денеска ја започна 417 недела на врвот на АТП-листата, со што продолжи да го зголемува сопствениот рекорд.

Ѓоковиќ е на првото место на АТП листата со 9,725 поени и 920 повеќе од второпласираниот Карлос Алкараз кој има 8,805 поени.

Шпанскиот тенисер ја одбрани титулата на Мастерсот во Индијан Велс, откако во финалето го совлада Русинот Данил Медведев со 7:6 (7:5), 6:1.

Италијанскиот тенисер Јаник Синер го задржа третото место на АТП листата со 8,310 поени, додека Медведев е четврти со 7,765 поени.

Германецот Александар Зверев напредуваше за едно место и сега е петти тенисер во светот, а зад него се Русинот Андреј Рубљов, Данецот Холгер Руне, Норвежанецот Каспер Руд, Полјакот Хуберт Хуркач и Австралиецот Алекс де Минор.