Првото големо изненадување на „УС Опен“ во Њујорк (САД) го направи Шпанецот Роберто Карбаљес Баена кој во првото коло го совлада Данецот Холгер Руне, четврти носител на грен слем турнирот.

Баена, моментно 63 играч на светот, одигра еден одличен меч и по два часа и 42 минута игра обезбеди пласман во второто коло каде го чека подобриот од дуелот Аслан Карацев – Јиржи Лехечка.

Руне беше проектиран да игра полуфинале против Новак Ѓоковиќ, еден од фаворитите за освојување на титулата. Првиот меч Ѓоковиќ ќе го има во 02.30 часот по македонско време, а со една победа на „УС Опен“ српскиот тенисер ќе се врати на врвот на АТП листата.

With Rune out, Djokovic has such an easier path to #usopen final 😒 pic.twitter.com/xjsqnjsXzE

— Sebastian Marbella 8/16-8/30🧜🏽‍♂️ (@setrocs929) August 28, 2023

Инаку веќе објавивме каков би бил патот на Ѓоковиќ до завршницата, доколку триумфира на стартот, во следната фаза ќе игра со подобриот од мечот Бернабе Запата Мираљес – Итан Квин. Во третото коло Ѓоковиќ веќе знае дека го „чека“ неговиот сонародник Ласло Ѓере кој го елиминираше Американецот Брендон Накашима со 7:5, 6:4 и 6:4, а во четвртото најверојатно би се сретнал со Канаѓанецот Оже-Алијасим.

Holger Rune was arguably Djokovic's toughest opponent in the draw until the final, and he's out in the first round 💀

A Djokovic final is virtually guaranteed at this point and he hasn't even hit a ball yet https://t.co/bGBTRLiYGh

— Swish 🍒 (@Zwxsh) August 28, 2023

Настапот е завршен за Руне, како еден од најтешките ривали во делот од жрепката каде Ѓоковиќ е прв фаворит, во четвртфиналето Србинот би можел да се сретне против Гркот Стефанос Циципас, но тука се и Тејлор Фриц и Лоренцо Музети.

Најдобриот тенисер на светот Карлос Алкараз се наоѓа во втората половина од жрепката, а потенцијален дуел меѓу Алкараз и Ѓоковиќ е можен само во финалето.