Иако бројот на сексуални односи во текот на неделата зависи од самиот карактер на луѓето, едно неодамнешно испитување покажало дека луѓето со најбогат сексуален живот делат само две карактерни особини – добрина и несебичност.

Ако ги поседувате овие 2 карактеристики, ви честитаме – вие сте одлични во кревет!

Во истражувањето што било објавено во „The British Journal of Psychology“, учествувале 192 сингл жени и 105 сингл мажи. За потребите на студијата, тие требало да решат низа тестови со цел да се утврди поврзаноста помеѓу алтруизмот – однесувањето чија цел е да се помогне некому без корист или награда и успехот во љубовта, односно во врските и сексуалниот живот.

Истражувањето покажало дека добрите и несебични луѓе имаат најбогат сексуален живот, односно водат љубов почесто од другите луѓе и најмногу се задоволни од сексуалните односи. Кај машките испитаници тоа вклучувало и поголем број женски партнери за секс без обврски. Конечно науката потврдува нешто во што сите ние се сомневавме подолго време.

Дека добрината и несебичноста се посакувани особини кај припадниците на спротивниот пол ни докажува и историјата, односно времињата на општествата од ловци и собирачи, каде што мажите кои го делеле пленот со жените биле многу попосакувани мажи од останатите.