Германски фудбалски тренер казнет поради фалсификуван ковид сертификат
Првите луѓе на германскиот фудбал конечно стави крај на повеќемесечната афера со тренерот Маркус Анфанг (47).
Имено, овој тренер го фалсификувал сертификатот за вакцинација против ковид-19 и со лажни документи го водел Вердер Бремен на натпреварите од втората германска лига минатата есен.
Клубот од Бремен кога дознал за лажната потврда за вакцинација веднаш му врачил отказ, а сега стигна и посериозна санкција.
Германската фудбалска асоцијација потврди дека Анфанг нема да може да води ниту еден клуб во наредната година и ќе мора да плати казна од 20.000 евра.
NEW: A 1-year coaching ban issued by the DFB to ex-Bremen coach Markus Anfang for using a falsified vaccination certificate. 10 month ban for his assistant Florian Junge & both bans retroactive to 20 Nov, 2021. Fines issued are 20,000 & 3,000 Euro respectively.
— Derek Rae (@RaeComm) January 26, 2022
Анфанг ќе ја чека одлуката и од судските власти, а бидејќи претходно немал проблеми со законот, не би требало да биде построго санкциониран.
Инаку, тој ја презеде тренерската функција на Вердер во јуни, откако клубот по 40 години испадна од Бундес лигата.