Германската влада бара итни мерки: Пејачот на „Рамштајн“ избирал девојки од првите редови, а потоа ги дрогирал и силувал

Фото: Malte Krudewig/AFP/Profimedia

Германската влада во вторникот побара мерки за заштита на женската публика на домашниот култен метал бенд „Рамштајн“ по обвинувањата против нивниот пејач за сексуалнo злоставување.

„Особено младите мора да бидат подобро заштитени од агресија“, изјавила за АФП германската министерка за семејство Лиза Паус од Зелената партија, додека „Рамштајн“, еден од најпознатите европски метал бендови, е на турнеја низ континентот.

Министерката посебно предложила на концертите да се воведат заштитни зони за жени и екипи кои би можеле да интервенираат во случај на сексуално злоставување.

„Треба „брзо и конкретно“ да разговараме за заштитните мерки“, побарала министерката, истакнувајќи дека би било „корисно да се спроведе сериозна дискусија за одговорноста на уметниците и организаторите кон посетителите на концертот“.

 

View this post on Instagram

 

A post shared by Rammstein (@rammsteinofficial)


Пејачот на „Рамштајн“ Тил Линдеман е обвинет за сексуално злоставување од неколку жени, објавија деновиве државната телевизија НДР и весникот „Suddeutsche Zeitung“.

Пејачот е осомничен дека на концертите од првите редови избирал група девојки кои по концертот ги повикувал на забава. Две девојки тврдат дека на тие забави биле дрогирани и принудувани на секс, што бендот го демантираше.

Во друга истрага што ја води неделникот „Die Welt“, опишан е целиот систем во служба на пејачот, во кој девојките од првиот ред биле снимани и фотографирани за Линдеман (60) за да може да ги избере оние што му се допаѓаат.

 

View this post on Instagram

 

A post shared by Rammstein (@rammsteinofficial)


Оваа недела на олимпискиот стадион во Минхен треба да се одржат четири концерти, каде што нема да има први редови пред бината од која контроверзниот пејач избирала девојки (т.н. Row Zero).

„Организаторот вчера не информираше дека нема да има простор за Row Zero ниту забава по концертот овде, кај нас“, изјави за АФП Тобијас Колер, портпарол на стадионот на кој ќе настапи бендот.

„Рамштајн“ во наредните недели треба да одржат концерти во Франција, Италија, Швајцарија, Шведска, Белгија, Холандија, Полска и Австрија.

Фронтменот на „Рамштајн“ обвинет дека дрогирал и сексуално малтретирал обожавателка

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот