Познатиот германски бенд „Рамштајн“ ја започна својата европска турнеја во Вилнус, главниот град на Литванија. На овој концерт била младата Шелби Лин, од Ирска, која неколку дена подоцна на Твитер напиша дека фронтменот на бендот, Тил Линдеман се обидел да ја принуди на секс, пренесува „Дојче веле“.

Имено, таа била поканета на забава пред концертот, каде го запознала Линдеман, кој според нејзините раскажувања сакал да има секс со неа. Шелби вели дека го одбила, на што Линдеман наводно реагирал многу агресивно.

Покрај тоа, таа се сомнева дека ѝ дале некаква дрога, бидејќи вели дека испила само два алкохолни пијалаци и една чаша текила, а не се сеќава на ништо што се случило.

I’m the girl that was spiked at Rammstein. I am going to make a big post with all the photos/videos I have. Videos of me clearly off my head. Give me a an hour or so to get everything together nice and cohesive instead of just a random dump of photos/videos/info. #rammstein

— Shelby Lynn (@Shelbys69666) May 24, 2023

Во следните твитови, таа вели дека кога се разбудила во хотелот, почувствувала болка и мачнина, а имала и модринки по целото тело. Лин објави и видео во кое раскажува дека била испрашувана од литванската полиција пет часа преку видеоврска.

Bruising including what seems to be finger marks from being grabbed maybe. I don’t know when these bruises happened because I was so off my head under the influence of something. This is from the night of and morning after #shelbys69666 #rammstein pic.twitter.com/wvv4fwDB16

— Shelby Lynn (@Shelbys69666) May 25, 2023

Линдеман сè уште нема дадено коментар, додека бендот преку социјалните мрежи ги отфрли обвинувањата, велејќи дека такво нешто не се случило во нивна близина, а не биле ни свесни дека властите водат истрага.

Оваа приказна кружеше на социјалните мрежи и предизвика жестоки дискусии. Некои жени тврдат дека имале слични искуства и ѝ изразија целосна поддршка на Шелби, додека други предупредуваат дека треба да се внимава со ваквите обвинувања, додека тие не се докажат. Сепак, многу обожаватели на „Рамштајн“ сметаат дека бендот премалку објаснувања и коментари во врска со случајот.

Zu den im Netz kursierenden Vorwürfen zu Vilnius können wir ausschliessen, dass sich was behauptet wird, in unserem Umfeld zugetragen hat.

Uns sind keine behördlichen Ermittlungen dazu bekannt.

— Rammstein (@RSprachrohr) May 28, 2023

Инаку, сите објави на профилот на Шелби се однесуваат на случајот. Меѓу бројните објави, таа напишала дека треба внимателно да се прочитаат сите нејзини објави и да не се донесуваат избрзани заклучоци. Сега, останува на литванските истражители да го расчистат случајот. Во моментов сè уште се смета дека пејачот Линдеман е невин.

Турнејата на „Рамштајн“ започна на 22 мај во Вилнус и ќе трае цело лето, со настапи во цела Европа.