Германците го молат Левандовски да не го собори рекордот на Герд Милер
Роберт Левандовски го израмни рекордот на легендарниот германски фудбалер Герд Милер од 40 голови во една сезона, а во последното коло има шанса да го собори овој рекорд, меѓутоа фудбалери, новинари и тренери го молат да не го стори тоа.
Левандовски минатиот викенд на натпреварот против Аугзбург го постигна својот 40 гол Бундеслигата оваа сезона и со тоа го израмни рекордот стар речиси четири децении на Герд Милер.
До крајот на сезоната во Бундеслигата остана уште едно коло што значи дека Левандовски има шанса да престигне Милер, но германската јавност го моли тоа да не го прави тоа.
Поранешни фудбалери, актуелни тренери, новинари… сите индиректно бараат од Левандовски да не игра во последното коло или да не изведува пенал доколку до него дојде.
– Од почит кон Герд Милер, Левандовски не би требало да игра против Аугсбург. Замислите само Роберт да излезе и да каже „Нема да играм, ќе седам на клупата“, каков потег би бил тоа – вели поранешниот германски репрезентативец Дитмар Хаман.
На ваквиот апел се приклучи и новинарот на „Шпигел“, Петер Аронс.
– Левандовски освои се, тој е најдобар фудбалер на светот, постигна 40 голови, освои титула…. Зошто не го остави рекордот на Герд Милер, бидејќи тој е клупска легенда. Баерн не би бил тоа што е сега да не беше Милер – вели Аронс.
