Ваквиот разочарувачки пад не смее да продолжи понатаму, Дестани во соопштението до јавноста истакнува дека во последните настапи не ја гледаме таа Шкендија која сме навикнале да ја гледаме последниве години, односно наместо напредување во успесите, изненадувачки се случува спротивното.

Изненадувачката елиминација од европските натпреварување и лошиот старт на сезоната во домашната лига е причина поради која сопственикот на тетовскиот клуб најавува формирање на стручна работна група со цел разгледување на состојбата во клубот за да се утврдат сите движења и промени кои треба да се направат во сите сектори на клубот.

Воедно Дестани очекува за неколку дена оваа стручна работна група да ја заокружи работата, како што рече, со цел ФК Шкендија да се врати во својата најдобра форма за да ја продолжи трката во домашното првенство, така како што сакаат да го гледаат и како заслужуваат сите навивачи и љубители на клубот.

Тетовските „црвено-црни“ во домашниот шампионат после три кола има само еден бод и се наоѓа на претпоследната позиција на табелата.