ФОТО+ВИДЕО | Ријалити ѕвездата Елеонора Миљковиќ ќе се мажи: Спектакуларно запросување!
Македонската ријалити ѕвезда Елеонора Миљковиќ го кажа судбоносното „да“ на својот партнер Чедо, кој со прекрасен букет рози и детали во црвена боја ја запроси во една скопска винарија.
28-годишната Миљковиќ се прослави по учеството во најгледаното ријалити шоу во регионот „Задруга“. Кратко потоа Елеонора се впушти во водителските води, односно работеше како презентерка на временската прогноза на телевизија „Ред“ во Србија. Сега живее во Скопје и работи во областа на маркетингот.
Запросувањето се случило вчера, четврток, во една позната скопска винарија, каде откако нејзиниот сакан традиционално клекнал на едно колено и ја побарал нејзината рака која веќе ја краси прекрасен веренички прстен.
Елеонора и Чедо се во долга љубовна врска, па не е ни чудо што се решиле да ја крунисаат својата љубов со брак. Миљковиќ на својот инстаграм-профил со своите обожаватели и пријатели сподели моменти од прекрасната атмосфера.