ФОТО+ВИДЕО | Каков гест! Фризер од Белград бесплатно среди бездомник, промената е неверојатна!
Во гест полн со емпатија и добрина, фризерот од Белград Филип Маринковиќ, одлучил бесплатно да му ја скрати косата на бездомник, давајќи му не само нов изглед, туку и надеж.
Филип ја сподели приказната на својот фејсбук-профил, а како што изјавил за српски „Блиц“ неговата цел е да ги „поттикне и другите да бидат, пред сè, луѓе и да си помагаат едни на други без разлика на сè“.
– Еден час пред него дојде еден господин „убаво“ облечен и се згрози од мојата цена за стрижење. По него дојде бездомник и не ме ни праша за цената, само ме праша дали можам да го средам. Јас му одговорив дека можам и го подстрижав од сè срце. Фин човек и, за жал, бездомник… Стрижењето секако беше на сметка на куќата – рекол Филип.
Филип за „Блиц“ рекол дека ова не е првпат фризерите и берберите да имаат „хуманитарна акција“ и дека претходно им помагале на децата од Звечанска.
– Веќе им помогнавме на децата од Звечанска со манифестацијата „Фризери и жилети за весело детско лице“ – вели Филип.
Фотографиите кои Филип ги сподели на своите профили на Фејсбук и Инстаграм покажуваат драстична разлика пред и по стрижењето. Мажот влегол во салонот со долга и несредена брада и запуштена фризура. Филип го избричил и од неговата несредена брада немало ниту трага, а неговата разбушавена коса се претворила во уредна фризура.
На видеото се слуша како мажот вели: „Да, задоволен сум. Ви благодарам!