Кога Мајкл и Кристин Барнет посвоиле шестгодишно девојче, сирак од Украина, во 2010 година, тие ја добиле информацијата дека девојчето боледува од ретко нарушување поради кое имало џуџест раст, пишува „Мирор“.

Сепак, не сѐ било онака како што изгледало, а овој бизарен случај сега е тема на документарната серија „The Curious Case of Natalia Grace“, која се емитуваше на телевизијата Инвестивејшн дискавери.

Во серијата од шест дела, Мајкл и неговата, сега веќе поранешна, сопруга Кристин ја раскажаа нивната страна од приказната за Наталија Грејс, девојчето кое ги излажало за своите години за да им наштети.

Мајкл Барнет тврди дека знае со какви трикови се послужила Наталија Грејс и дека таа, всушност, била возрасна личност кога пристигнала во нивниот дом. Грејс, од друга страна, ги отфрла овие тврдења.

Истовремено, Мајкл и Кристин се ослободени од обвиненијата за занемарување (на дете), со кои се соочиле кога се преселиле во Канада и ја оставиле Грејс сама.

Барнетови тврдат дека Грејс била насилна и дека се обидела да ги убие откако се преселила во нивниот дом. Поранешните сопружници тврдат дека Грејс имала 22 години кога ја оставиле, а таа тврди дека била само дете. Во 2012 година, тие успеале да го променат датумот на раѓање на нивната посвоена ќерка од 2003 до 1989 година, што значи дека осумгодишното девојче одеднаш станало дваесетидвегодишно.

Во првата епизода од документарната серија, Мајкл раскажа дека тој и неговата поранешна сопруга забележале неколку сомнителни работи во врска со Грејс уште во првите неколку месеци од нивниот заеднички живот. Тој рече дека во една прилика неговата сопруга ја капела Грејс и забележала дека девојчето има „целосно пораснати срамни влакна“. Потоа го поканила во тоалетот за да му покаже.

„Не знаев што да мислам. Дали е тоа можно? Дали е тоа воопшто можно? Која е оваа личност?“, рече Мајкл.

И покрај сѐ, тие продолжиле да се грижат за неа и ѝ дале „љубов и разбирање“.

Работите станале уште почудни кога Кристин воочила дека Грејс имала крвави дамки на долната облека, што алудирало на тоа дека таа добила менструација – многу порано од што треба.

„Се сеќавам како се држеше во тоа време. Нејзините раце ѝ беа пред телото и рече дека добила менструација, но дека го прикрила тоа”, рекол Барнет, додавајќи дека токму тогаш почнал да се сомнева во нејзината возраст.

Во меѓувреме, Грејс била посвоена од Синтија и Антон Манс и таа сега живее со нив и нивните пет биолошки деца.