Со години во Скопје владее сообраќаен хаос поради се поголемата населеност во главниот град и немањето сообраќајници со кои ќе се задоволат потребите на граѓаните. За хаосот да биде уште поголем помагаат и оние возачи кои секојдневно имаат „итни случаи“ и ги паркираат своите возила во една од лентите вклучувајќи „четири трепкачи“. Состојбата е иста во поголемите скопски населби како Аеродром, Центар и Карпош.

Но „итните случаи“ всушност и не се баш итни, па грото скопјани чии дневен ритуал е пиење на кафе имаат навика автомобилот  да го паркираат што е можно поблиску до кафулињата. Честа е сликата автомобилите да се паркираат на сообраќајницата покрај кафулињата, наместо на најблискиот паркинг простор по што се прави дополнителен хаос во сообраќајот.

Иако во градот функционираат две пајак служби сепак нивното присуство на скопскиот асфалт не ги спречува возачите да го паркираат своето возило каде што ќе посакаат.