Скопје и СЦ „Јане Сандански“ беа домаќини на еден од најголемите ракометни спектакли во последните години, организиран од Спортско радио 90,3 ФМ по повод нивниот 20. роденден. Публиката имаше уникатна можност да ги види најголемите македонски и европски ѕвезди на едно место.

Тимовите ги предводеа големите ракометни умови Лино Червар и Веселин Вујовиќ, додека македонската тренерска сцена ја претставуваа Звонко Шундовски и Ристо Магдинчев. Со нивна стратегија и тактичко надмудрување, двобоите на теренот ја оживеаја магијата на старите дербија меѓу Вардар и Металург.

Македонските ракометни легенди како Кирил Лазаров, Борко Ристовски, Стојанче Стоилов, Филип Миркуловски, Ванчо Димовски, Петар Ангелов, Бранко Ангеловски, Владо Недановски, Гоце Георгиевски, Велко Маркоски, Лазе Мајнов, Горан Кузманоски, Пепи Манасков, Иван Марковски, Раде Стојановиќ, Аце Станковски, Александар Царчев и Звонко Шундовски ја оживеаја магијата на македонскиот ракомет додека пак во спротивниот тим настапија: Арпад Штербик, Страхиња Милиќ, Иван Чупиќ, Жоан Канељас, Данил Шишкарев, Игор Карачиќ, Златко Хорват, Мануел Штрлек, Вуко Борозан, Ренато Вугринец, Горан Шпрем, Илија Абутовиќ, Жељко Муса, Петар Ѓорѓиќ и Мирза Шариќ. Многумина од нив биле европски прваци со Вардар или имаат играно во македонските клубови во некој период од кариерата.