ФОТО+ВИДЕО | Првите фотографии од крвавата драма во Зајечар
Синоќа се случила крвава драма во српскиот град Зајечар. Според информациите од полицијата, полициски службеник од полициската управа во Зајечар, Србија, со иницијали И. Ѓ. (28) е убиен синоќа на службена должност кога во него од огнено оружје пукал Д.З.
Повеќечасовната драма заврши околу 1.30 часот кога Специјалната антитерористичка единица (САЈ) изврши акција со која заврши крвавата драма. Првите истрели во зградата се слушнале околу 22 часот .
Д.З. испукал два куршума кон полициски службеници, кои постапиле по пријави на граѓани дека во зграда на улицата „7 Септември“ се слушнале истрели. Притоа бил погоден полицаецот кој им подлегнал на повредите во ЗЦ Зајечар.
Непосредно пред да пристигне полицијата, Д.З пукал и ја убил сосетката В.Ѓ. (62).
По пукањето, напаѓачот се забарикадирал на таванот и неколку часа подоцна се самоубил.