Ситуацијата на улиците на Лос Анџелес останува напната по тридневните немири против масовните апсења на нелегални имигранти од страна на администрацијата на Доналд Трамп. Протестите продолжуваат на улиците, и покрај солзавец и гумени куршуми испукани од полицијата на Лос Анџелес, додека околу 500 припадници на Националната гарда од Калифорнија пристигнаа во градот и се во состојба на готовност да интервенираат.

Националната гарда беше распоредена околу владини згради, додека полицијата и демонстрантите се судрија на маргините на разни демонстрации против рациите на федералната служба за имиграција (ИЦЕ) за апсење на нелегални имигранти во Лос Анџелес.

Вкупно 27 апсења беа извршени во центарот на Лос Анџелес во неделата, изјави началникот на полицијата на Лос Анџелес, Џим Мекдонел, на прес-конференција, додека сцените на хаос продолжуваат трет ден по ред во државата.

Одлуката на Доналд Трамп да ја испрати Националната гарда како одговор на протестите против строгата имиграциска политика што ја следат тој и неговата администрација предизвика реакции.

Во објава на Икс, гувернерот на Калифорнија, Гавин Њусом, дополнително го критикуваше американскиот претседател и го повика да ја прекине мисијата на Националната гарда.

Once again @CAgovernor @GavinNewsom let Los Angeles burn! https://t.co/EDhhM7plBa

— IndependentMr_70 (@IndependentMr70) June 9, 2025

„Доналд Трамп создаде криза и поттикнува ситуации. Ако не може да ја реши, ние ќе ја решиме“, нагласи тој, додавајќи дека „Доналд Трамп мора да се повлече. Тој мора да поднесе оставка“.

Гувернерот им рече на демонстрантите: „Насилните акти нема да бидат толерирани. Ќе бидете уапсени. Ќе бидете гонети. Не само што оштетувате згради и имот. Ги уништувате темелите на нашата демократија. Демократијата е во опасност. Доналд Трамп ве користи како изговор за милитаризација на градот и заобиколување на нашата демократија“.

🚨 JUST NOW: Protesters in Los Angeles are spraying buses as they move down the road, escalating the destruction amid ongoing unrest. Violence and chaos continue to spread.

(FOLLOW FOR REALTIME LA RIOT UPDATES) pic.twitter.com/k9XLCZUaVr

— News Now (@NewsNow717) June 9, 2025

Во исто време, тој нагласи дека сака заштита на мирните демонстранти, за да можат да ги остварат своите права, како и заштита на силите за спроведување на законот.

И покрај распоредувањето на Националната гарда, демонстрациите беа масовно посетени. Полицијата употреби солзавец и гумени куршуми за растерување на собирите во федерален комплекс и на автопатот 101, каде што демонстрантите го блокираа сообраќајот. Во некои области, возила беа запалени.

BREAKING: Los Angeles sees escalating unrest. Demonstrators have damaged police cruisers on U.S. Route 101 by hurling objects from an overpass, while barricades are now erected outside City Hall. pic.twitter.com/6a7hTDcwIJ

— X News (@X_News09) June 9, 2025

Полицијата во Лос Анџелес соопшти дека прогласила „незаконско собирање“ во центарот на градот и дека полицајците уапсиле „неколку“ лица. Полицијата патролира низ центарот на градот на коњи. Полицијата соопшти дека демонстрантите фрлале парчиња цемент, шишиња и други предмети кон полицајците.

Неколку возила што се управуваат самостојно од такси службата „Вејмо“ биле запалени на главна улица во Лос Анџелес доцна синоќа, според видео снимките.

Демонстрантите извикувале „срам да ви е“ кон полицијата, а некои биле видени како фрлаат предмети кон полицајците. Групи демонстранти, од кои многумина носеле мексикански знамиња и транспаренти со слогани против американската имиграциска служба, се собрале во различни делови од Лос Анџелес.

🚨BREAKING: Rioters in Los Angeles are spitting on and setting fire to American flags while chanting “F*ck Trump.”

Get rid of them all.
pic.twitter.com/jCzcHhFBnK

— Benny Johnson (@bennyjohnson) June 9, 2025

Шефот на полицијата во Лос Анџелес, Џим Мекдонел, изјавил дека полицајците биле „преплавени“ од преостанатите демонстранти. Според шефот, има бунтовници кои се појавуваат на протестите за да предизвикаат проблеми.

Сепак, тој ги отфрлил обвинувањата од администрацијата на Трамп дека полицијата во Лос Анџелес не им помогнала на федералните власти кога протестите избувнале во петокот по серија рации за имиграција.

„Зголемена будност“

Министерот за одбрана Пит Хегсет предупреди дека Пентагон е подготвен да мобилизира маринци „доколку насилството продолжи“ во Лос Анџелес, истакнувајќи дека маринците во блиската база Пендлтон се „во зголемена готовност“.

Северната команда на американската војска соопшти дека околу 500 маринци се подготвени да се распоредат во градот доколку бидат побарани.

Од своја страна, градоначалничката на Лос Анџелес, Карен Бас, го обвини Трамп за поттикнување тензии со распоредувањето на Националната гарда, но исто така ги осуди демонстрациите што се претворија во немири.

„Не сакам луѓето да западнат во хаосот за кој верувам дека го создава владата сосема непотребно“, коментираше Бас за време на прес-конференција.

Протестите против апсењето на мигрантите во Лос Анџелес се бунт против САД