Машкото списание „Максим“, кое е познато по својата еротска содржина, има традиција да избира најсексапилна жена на годината. Американскиот „плус-сајз“ модел Ешли Греам беше нивниот избор за 2023 година.

„Таа е уметничко дело што оди. Да беше Ботичели жив денес, тој би го отфрлил своето ремек-дело ‘Раѓањето на Венера’ и наместо тоа би ја насликал Ешли“, изјавија од „Максим“ на почетокот од годинава.

Греам сега позираше во топлес издание за списанието „Лав вонт“ („Love Want“), пред објективот на фотографката Бек Парсонс.

„Доловувањето на овие моменти со Бек Парсон беше освежувачка промена. Сонцето, нејзината камера и овој природен изглед направија да поминеме едно попладне, исполнето со слобода и позитивност. Понекогаш, убаво е да ги соголите нештата и навистина да ја цените убавината во едноставноста“, напиша таа на својот инстаграм-профил.

Убавицата, која беше откриена на 12 години во трговски центар, има многу успешна кариера како модел. Таа соработува со голем број светски познати брендови и има повеќе од 20 милиони следбеници на Инстаграм.

Исто така, многу жени ширум светот наоѓаат инспирација во неа бидејќи нејзините облини го сменија начинот на кој се доживува женското тело. Греам често споделува свои природни фотографии, кои не ги средува со програми за уредување и на кои гордо ги покажува своите стрии и целулит. Со ова, таа ги руши табуата за овие нормални појави на женското тело.

ФОТО | Ова е најсексапилната жена на светот: Да беше Ботичели жив денес, наместо Венера, ќе ја нацрташе неа