Студент на Универзитетот во Делавер e уапсен минатиот месец во Соединетите Американски Држави под обвинение дека планирал да изврши вооружен напад на кампусот на американската образовна институција, и да убие што е можно повеќе луѓе.

Според „Њујорк пост“, станува збор за 25-годишниот Лукман Кан, пакистански емигрант, во чиј автомобил полицијата пронашла цел арсенал, панцир и рачно напишани белешки според кои сакал да „ги убие сите“ и да стане „маченик“.

Според извештајот, 25-годишникот бил уапсен додека бил во својот автомобил по предавањата, во парк пред универзитетските објекти.

PATROL OFFICERS STOP POTENTIAL THREAT TARGETING THE UNIVERSITY OF DELAWARE POLICE DEPARTMENThttps://t.co/ZpF3Ige795#nccpd #nccde #netde pic.twitter.com/I6XdKEE2VG

— New Castle County Police (@NCCPD_DE) December 2, 2025

Во багажникот на неговиот автомобил, властите пронашле муниција, пиштол, алатка за претворање на пиштолот во автоматска пушка и шаржери за оружје.

Кан наводно го планирал нападот во Универзитетската полициска станица и со себе имал тетратка со детални белешки за планот за напад.

25-годишникот бил запрен случајно, кога полицајците го забележале како седи во својот автомобил и, како што рекле, кога му се приближиле, тој изгледал доста нервозен.

Според ФБИ, Кан – кој наводно е бегалец од Пакистан – се спротивставил на апсењето.

25-Year-Old Delaware Man Charged After Machinegun and Manifesto are Found

According to court documents, on November 24, New Castle County Police Department officers initiated a traffic stop on Luqmaan Khan of Wilmington. During the stop, Khan resisted arrest and was taken into… pic.twitter.com/VogQZ2tUt0

— FBI (@FBI) December 2, 2025

Според локалниот началник на полицијата, полицајците му пристапиле случајно и, како што рекол, ја завршиле својата работа како што треба, наместо едноставно да му кажат да го напушти местото на настанот.