Во духот на традицијата и континуитетот, Фудбалската федерација на Македонија објави фотографија со силна симболика, поранешните капитени Гоце Седлоски и Горан Пандев заедно со актуелниот лидер на репрезентацијата, Енис Барди.

Енис Барди е оној што на теренот ќе ја носи одговорноста да ја води оваа генерација кон нов бараж, додека неговите претходници денес имаат поинаква, но подеднакво значајна улога. Пандев сега е директор на националните селекции, а Седлоски неодамна ја презеде функцијата селектор на А-репрезентацијата.

Статистиката само ја потврдува нивната тежина: Пандев е апсолутен рекордер со 122 настапи во националниот дрес, Седлоски има точно 100, додека Барди во моментов е на бројката од 80 репрезентативни настапи.

Преземено од: Спорт.ком.мк