Инстаграм-профилот на Марија Старделова е вистинско шаренило од вкусови, рецепти, естетика и можност да „патувате“ низ боите и да вкусите најразлични здрави оброци. Марија денеска ви приготви вкусен и здрав деликатес.

Сирова, здрава и веганска торта од морков

Состојки:

• – 1 ½ шолја ореви
• – ½ шолја кокос
• – ¼ шолја бадемово брашно (или мелени бадеми)
• – 1 лажиче цимет
• – 1 лажиче сув ѓумбир
• – ¼ лажиче морско оревче
• – ¼ лажиче сол
• – 2 лажички кора од портокал или лимон
• – 1 лажица ванила
• – 1 ½ шолја свежи урми, без семка (ако не се свежи, покиснете ги 10-тина минути во врела вода)
• – 1 шолја рендан морков

Прелив:

• – 1 шолја индиски ореви, киснети 15 минути во зовриена вода (или преку ноќ) и исцедени
• – ¾ шолја кокосово млеко/крем (од конзерва)
• – ¼ шолја кокосово масло, стопено
• – 3-4 лажици јаворов сируп
• – 1 лажица ванила
• – 2 лажици сок од лимон (или портокал)
• – Прстофат сол

 

View this post on Instagram

 

A post shared by Марија Марија Марија (@marijamarijamarija)

Подготовка:

Додадете ги оревите, кокосот, бадемовото брашно, циметот, ѓумбирот, оревчето, солта и кората од лимон/портокал во процесор и пулсирајте додека да добиете смеса што се рони. Додадете ги урмите и пулсирајте додека да добиете инкорпорирано, лепливо тесто. Додадете ги морковите и пулсирајте колку да се измешаат убаво. Обложете тавче со хартија за печење и распоредете го тестото еднавко (притискајте со раце или силиконска шпатула). Ставете го во фрижидер за да се стегне.

Изблендирајте ги сите состојки за фростингот на најјако (собирајте од страните на процесорот) сѐ додека не добиете кремаста смеса. Истурете ја смесата врз базата и ставете во замрзнувач да се стегне. Пред да сечете, ставете ја во фрижидер малку да се одмрзне.