Веднаш наспроти Апелациониот суд – Скопје, на улицата „Гане Тодоровски“ која води покрај основното училиште „Св. Кирил и Методиј“, утрово можеше да се забележат два уништени контејнера за отпад, кои викендов биле мета на вандали.

Според фотографиите, огнот целосно ги „стопил“ двата контејнера, кои веќе се надвор од употреба, а околу нив е распространета поголема количина од отпадот кој бил внатре, а тешко е да се занемарат и неколкуте непрописно паркирани автомобили долж тротоарот.

„Слободен печат“ ги испрати фотографиите до ЈП „Комунална хигиена-Скопје“, а во интерес на жителите и поголемиот број граѓани кои работат во овој реон е во најкраток можен рок просторот да биде исчестен од остатоците од пожарот и да се постават нови контејнери за да се избегне формирање на нови мини-депонии.