Осумдесетгодишната бабичка Ратнакумари Сунувар од селото Рамехап, во источен Непал, решила да го започне своето едуцирање во средно училиште, пренесува „Би-би-си“.

Таа никогаш немала шанса да оди на училиште, бидејќи уште како дете се занимавала со одгледување на животни и помагала во домаќинството. Откако станала мајка, нејзината единствена работа била да се посвети на грижата за своите деца.

Сепак, годините не ја спречиле таа да ја оствари својата долгогодишна амбиција и да започне повторно да учи.

„Верувам дека годините не се препрека за да се започне со учење“, изјавила таа.

Новата ученичка Ратнакумари, вели дека со овој нејзин подвиг сака да ги инспирира сите тинејџери кои го напуштаат училиштето, да не се обесхрабруваат, бидејќи никогаш не е доцна за учење.