Познатиот македонски музичар и бизнисмен Дарко Гелев – Брејк и неговата сопруга, поранешната мис на Македонија Драгана Клопчевска, деновиве имаат најубав повод за славење во нивниот дом.

Нивната ќерка Деа го прослави својот седми роденден, а емотивните моменти од семејната атмосфера ги споделија со своите следбеници на социјалните мрежи.

Брејк ја сподели објавата на Драгана, на која се гледа нивната наследничка со насмевка пред роденденската торта со седум свеќички. Пораката која стои во описот ги разнежни сите: „Те сакаме многу, наша сјајна ѕвездо. Никогаш не се менувај. Среќен седми роденден!“.

На фотографијата се гледа дека малата славеничка ужива во вниманието, облечена во маичка со мотиви од популарната сага „Војна на ѕвездите“ (Star Wars), што дополнително му дава симпатичен и модерен печат на целиот момент.

Иако Брејк и Драгана важат за двојка која се труди својата приватност да ја чува подалеку од очите на јавноста, ваквите значајни настани секогаш се исклучок.

Покрај ќерката, тие се родители и на синот Давид, а музичарот го има и постариот син Марко од првиот брак, кој веќе е возрасен.

Во февруари, Дарко Гелев – Брејк објави нова песна „Една во милион“. Новиот сингл доби и видеоспот. Ова музичко дело е плод на соработка со познати имиња од домашната музичка сцена: музиката е на Никола Перевски – Пере од „Нокаут“, аранжманот е на Дарко Димитров, а текстот е на Игор Џамбазов.

ФОТО | Џамбазов, Пере и Брејк ги поврзува тажна љубовна приказна: „Сите приказни, исти се“