ФОТО | Кристина Пишкова од Чешка е Мис на светот 2024: Раскошната русокоса ја освои ласкавата титула
Новата Мис на светот e русокосата убавица Кристина Пишкова од Чешка. Пишкова ја победи конкуренцијата, поточно 111 девојки и ја освои круната за најубава.
Низ низата настани за време на прелиминарното натпреварување на изборот, вклучително фитнес, убавина, талент и јавно говорење, неколку натпреварувачи освоија места за „брза патека“ во првите 40, група објавена на почетокот на престижниот натпревар.
Оттаму, полето брзо беше сведено на најдобрите 12, а потоа и на најдобрите осум, во тој момент натпреварувачите учествуваа во класичниот круг прашања и одговори, а се осврнаа на темите дискутирани на последниот Самит на Г20.
Зад Пишкова завршија Јасмина Зејтун од Либан, Аш Ејбрахамс од Тринидад и Тобаго и Лесего Чомбо од Боцвана.
Ова е вторпат убавица од Чешка да ја освои ласкавата титула најубава на светот, првпат таа титула во 2006 година ја освои Татана Качарова.
Изборот за Мис на светот 2024 се одржа во Мумбаи, Индија, ова беше 71 пат, а во финалето имаше 40 натпреварувачки од целиот свет.
Кристина има 23 години, се занимава со манекенство, студира право и деловна администрација, течно зборува англиски, полски, словачки и германски јазик, а се залага за одржлив развој преку образованието.
Убавиците кои влегоа во финалето зборуваа за важни женски прашања, а победничката зборуваше за отстранување на стигмата и срамот околу менструацијата, велејќи дека „да се биде жена е подарок“ и дека менструацијата не треба да биде табу тема.
Пишкова на тронот ја замени Каролина Бјалавска од Полска, која победи во 2022 година, а минатата година натпреварот не се одржа.
Натпреварот за најубава жена на светот настана во Велика Британија во 1951 година како „натпревар во бикини“.