Иван Јованов, пејачот од „Либеро бенд“ ја изненади јавноста со веста дека има нова девојка и дека чека принова. Со забава за откривање на полот, тој откри дека со својата избраничка Ивана очекуваат ќерка.

По разделбата со Антониа Гиговска, пејачот не говореше јавно за својот љубовен живот, па сè уште не се познати деталите за неговата нова врска.

На фотографиите кои беа објавени на социјалните медуми, може да се забележи дека заљубениот пар навистина се радува на веста дека бебето кое го очекуваат ќе биде девојче, а честитки до нив пристигнаа од сите страни.

За потсетување, поранешна девојка на Иван Јованов беше македонската ѕвезда Антониа Гиговска. Таа и нејзиниот партнер Роберт, попознат како Џокер, оваа година стапија во брак, а пред речиси два месеци го добија нивното прво дете, синот Киан.