Златан Ибрахимовиќ има 39 години, но по неговите игри на теренот, тоа воопшто не се забележува.

Во последните неколку дена, Ибрахимовиќ е исклучително активен на социјалните мрежи и денешната најнова објава од неколку зборови, успеа да ја крене на нозе цела Шведска и пошироко.

Искусниот напаѓач, кој постигна седум погодоци во Серија А до сега оваа сезона, најави можно враќање во репрезентацијата на Шведска. Се шпекулира дека можно е сепак својата репрезентативна кариера да ја заврши на наредното Европско првенство.

– Одамна не сме се виделе“, напиша Ибрахимовиќ во описот на својата фотографија во дресот на репрезентацијата на Шведска.

Long time no see pic.twitter.com/1VQR3PMh4s

— Zlatan Ibrahimović (@Ibra_official) November 2, 2020

Веднаш следеше и реакција од селекторот на скандинавската селекција, Јане Андерсон, кој истакна дека не знае зошто Златан ја објавил фотографијата.

– Не знам зошто го направи тоа, можете да разговарате со него. Немам поим. Сè уште не сме се слушнале – вели Андерсон.

Ибрахимовиќ се прости од националниот шведски дрес на Европското првенство во 2016 година, после 116 одиграни натпревари и 62 постигнати голови.