ФОТО | E ова е маркетинг! Наша пиљарница со досетливи реклами: Со кромид млад, ќе ја пољубиш само во врат
За празнициве, креативноста во било кој сегмент од животот се исплати, особено ако привлече внимание.
Со таква екстра идеја за Бадник, вирално се проширија фотографии од една гевгелиска пиљарница во која сите производи што се изложени, се продаваат со интересни, досетливи пораки.
„Со кромид млад за Бадник ќе ја пољубиш само во врат“ – вели една од пораките врз младиот кромид. Но не е првпат овие реклами да го привлечат вниманието на интернет.
Во друга прилика гевгеличани имале објавено фотографија од домати, и реченицата:
„Не биди папучар, купи си домат јабучар“.
Неделната реклама за новото гравче е врвот. Можеби е за некого премногу, или на границата помеѓу добриот и лошиот вкус, но сепак привлече внимание.
„Сакате да бидете погласни од вашиот комшија за Бадник, а не знаете како??? Ние го имаме решението за вас!!! Најдобриот г’зопевец во градот!!! Да беше лето ќе го варевте на сонце!!! Затоа што вашиот задник знае што е добро!!!“, пишува во рекламната порака за гравчето во пиљарницата.