Еден од најубавите парови во Холивуд, Ченинг Тејтум и Зои Кравиц наскоро ќе го изговорат судбоносното „да“. Како што потврдија извори за „Пипл“, актерите неодамна се вериле.

За време на изминатиот викенд, ѕвездите беа присутни на тематска забава за Ноќта на вештерките. Кравиц, која се појави како бебето од култниот хорор филм „Бебето на Розмари“ („Rosemary’s Baby“) од 1968 година, го покажа големиот дијамантски прстен.

#ZoeKravitz and #ChanningTatum are engaged!
Dressed for a #Halloween party, Zoe showed off her ring to the paparazzi!
We’re calling it here first & think that the designer behind the ring could very well be her favourite jewelry designer – Jessica McCormack! pic.twitter.com/BvVNeOILPC

— Who Wore What Jewels (@wwwjewelsdaily) October 31, 2023

Актерката првпат проговори за врската со Тејтум во разговор за „Џеј-кју“ во 2022 година, каде изјави дека тој е „прекрасен човек“.

„Тој многу ме смее. И двајцата сакаме уметност и зборуваме за уметност. На пр. сакаме да гледаме филмови и да дискутираме за тоа среде филм“, изјави таа.

Двете ѕвезди се запознаа за време на кастингот на претстојното режисерско деби на Кравиц, „Pussy Island“.

„Toj навистина беше мојот заштитник (на снимањето) и беше навистина прекрасно и слатко“, сподели Кравиц.

Таа додаде: „Мислам дека ако можете да направите нешто такво заедно, тоа е добар тест. И излеговме уште посилни“.

Нивната врска ја потврди извор за „Пипл“ во 2021 година.

„Нивните кариери се голем фокус и тие ја делат оваа страст. Кога не работат, тие се многу смирени. Уживаат во мирни вечери со пријателите, но најчесто се дружат дома“, изјави изворот.

„Ченинг е сериозен во врска со Зои. Тоа не е ‘лабава’ врска. Тие се ексклузивни долго време“, додаде изворот.