Модната недела во Париз заврши вчера, а по десет дена возбудливи модни настани – некои убавици особено се истакнаа со своите изгледи на црвениот тепих. Една од нив е и унгарската манекенка Барбара Палвин, која исто како и Бјанка Ценсори ја прифати „голата мода“.

Бројни светски дизајнери ја прифатија голотијата како дел од модното изразување и промовираат „голи“ модели. Очигледно и Палвин го следи овој тренд, па така и се појави на неодамнешната ревија на „Баленсијага“ во Париз, каде беше претставена колекцијата есен/зима 2025/26. За оваа прилика, таа носеше халтери и чипкани чорапи, а нејзината долна облека беше прилично видлива. Палвин ја дополни комбинацијата со минималистичка чанта и голем капут, кој не успеа да сокрие ништо.

На некои обожаватели им се допадна овој изглед, но имаше многу кои ја критикуваа.

„Зошто сите се голи? Тоа не е ниту привлечно, ниту елегантно“, „Јас ја сакам, но не мора да носи сè што ѝ е кажано да го облече“, „Изгледа како ѕвезда на филм за возрасни“, „Сето тоа е убаво, но зошто мораше да ја покажеш својата долна облека, изгледаш како проститутка“, гласеа негативните коментари за ова модно прашање.

За потсетување, Барбара Палвин неодамна се појави на модното шоу на „Викторијас сикрет“ и е едно од омилените имиња во модниот свет.