Празникот Благовец е многу значаен во христијанската традиција и е ден на кој ги прославуваме мајките и тие нас. По повод празникот, пејачката и водителка на кулинарската емисија „Вкусот на традицијата“, Адријана Алачки на својот фесбук-профил сподели фотографија од синот Благоја за му го честита именденот и напиша:

„Денес е Благовештение, Благовец, именден на мојот син Благоја. Да ти е вечно името, здрав и жив да си, благословен од Бога, нека е за многу години!!!  I’m proud of you“.

Таа, покрај честитката за синот, го објасни и значењето на денешниот празник

„Празникот Свето Благовештение се вбројува во постојаните празници и секогаш е на 7 април според новиот, (или на 25 март според стариот) календар. Меѓу народот повеќе е познат како Благовец, Благоец, Блошчојне…

Се смета за тежок празник поради што тогаш не се работи. Некои дури го сметаат за голем празник како Велигден поради што се вели: „Благовец, прв ден Велигден“. Тогаш се оди на именден кај оние што имаат име Благоја, Блаже, Благојка, Благица итн.

Свето Благовештение е празник на Пресвета Богородица, а со тоа е и денот на мајките, затоа што Богородица е заштитничка на сите мајки кои зачнале и станале мајки. Тоа е ден на мајката која дала нов живот. Тогаш децата ѝ благодарат на мајката, ја гушкаат и ѝ даваат дарови во знак на љубов, почит и внимание. Мајките, пак, ги благословуваат децата и тие да имаат свои рожби и радости.

Така што првото нешто што треба да го направите тоа утро – бакнете ја мајка ви!“, напиша Адријана во искрената честитка.

ФОТО | Елена Велевска ужива во Дубаи: Пејачката ја покажа сета раскош