Францускиот институт во Скопје, Амбасадата на Франција и Амбасадата на Шпанија во Северна Македонија, со поддршка на генералниот покровител „Зегин“ и на винаријата „Тиквеш“, ја организираат трета гала филмска вечер со проекција на француско-шпанскиот филм „Ѕверови“.

Филмот ќе биде премиерно прикажан на 3 ноември, во 20 часот, во кино „Милениум“. Настанот ќе го отворат Н.Е. г-дин Сирил Бомгартнер, Амбасадор на Франција, и Н.Е. Хозе Луис Лозано Гарсија, Амбасадор на Шпанија во РС Македонија.

Филмот е дело на режисерот Родриго Сорогојен, а во главните улоги играат Изабел Пења и Родриго Сорогојен. Добитник е на француската награда „Цезар“ за најдобар странски филм во 2023 година.

Француските медиуми за филмот напишаа: „Моќно филмско остварување за стравот и омразата кон другиот, низ кое се истакнува талентот на Родриго Сорогојен.“ (Les Echos); „Ако треба да се одлучиме за највпечатливиот меѓу долгометражните филмови прикажани годинава на Канскиот фестивал, несомнено е овој филм.“ (L’OBS).