Новото издание на веќе традиционалната ревија „Недела на новиот германски филм“ оваа година се одвива со мото „Под отворено небо“. Современи германски филмови можеа да се гледаат во Струга (24-26 август), во Прилеп (3-4 септември) и во летното кино на Кинотеката (1-7 септември) во Скопје. На програмата се филмови од режисерите Кристијан Петцол, Мајкл Хербиг, Мајк Ротемунд, Аксел Раниш, Лео Касин и Бора Дагтекин.

Сите проекции на „Недела на новиот германски филм“ се одржуваат со целосно почитување на препораките за заштита од ковид-19. Годинашното издание на ревијата го реализира Центарот за социјални иновации „Блинк 42-21“ во соработка со Кинотека на Северна Македонија, „Дрим шорт“ од Струга и Центарот за култура „Марко Цепенков“ во Прилеп со поддршка на Амбасадата на Сојузна Република Германија во Република Северна Македонија.

(Текстот е објавен во „Културен печат“ број 47, во печатеното издание на „Слободен печат“ на 5-6 септември 2020)