Федералниот судија на Флорида, Ајлин Кенон денеска го отфрли аргументот на Доналд Трамп дека треба да се отфрли случајот во кој поранешниот претседател на САД незаконски чувал доверливи документи, бидејќи тој ги сметал за негови лични досиеја.

Трамп тврдеше дека чувал високо доверливи документи на имотот на Флорида врз основа на американски закон кој им дозволува на поранешните претседатели да водат лични досиеја што не е поврзана со нивните официјални одговорности, објави Ројтерс.

Обвинителите во случајот што го покрена специјалниот советник Џек Смит изјавија дека документите се однесуваат на американската војска и разузнавањето, вклучително и детали за американската нуклеарна програма, и дека не може да се толкуваат како лични.

Трамп се изјасни за невин по 40 федерални обвиненија дека незаконски чувал чувствителни документи и ги попречувал напорите на американската влада да ги врати.

Трамп не бил овластен да чува тајни информации поврзани со националната безбедност на САД по напуштањето на Белата куќа, дури и ако ги сметал записите како лични, според обвинителите.