Правосудството, енергетиката и здравството се клучни проблеми и ги тангираат сите граѓани, оставаме на времето да покаже каков исход ќе има, рече аналитичарот Љуљзим Фаризи вечерва во „Само вистина“ на „Канал 5“.

„Филипче прв ја фрли ракавицата, а премиерот ја прифати и останува да видиме како натаму ќе се одвиваат работите. Мислам дека најмногу проблеми ќе имаат големите политички партии во сферата на правосудството. Системот треба да биде поригорозен, јавните обвинители и судии што со години го злоупотребувале системот не треба да ги галиме, туку да ги разрешиме, јас сум за тотална чистка во правосудството и да има генерален реизбор на сите судии. Не може во случајот со модуларната болница и Ласкарци никој да не биде одговорен. Средбата меѓу Мицкоски и Филипче е голема храброст, од страна на Премиерот што подаде рака, особено што во минатото не се случувале такви средби и истите треба да бидат почести и да се прошират и во други сфери“, рече Фаризи.