Европскиот фудбал минатата сезона заработил речиси 30 милијарди евра
Според Дилојт, европскиот фудбалски пазар оствари рекордни 28.9 милијарди евра за календарската 2018/19 сезона.
Растот и рекордната заработувачка се остварени благодарение на најдобрите пет лиги во Европа, „Лига пет“ кои добија и најголем дел од дополнителните 700 милиони евра кои УЕФА ги распределени на клубовите во нивните натпреварувања.
Најдобрите пет лиги за минатата сезона остварија рекордни приходи од 17 милијарди евра, што претставува зголемување за девет проценти во однос на претгодната година.
Комбинираните приходни на екипите во Премиер лигата изнесуваат 5.9 милијарди евра и тие се за дури 73 проценти поголеми од најблскиот конкурент, шпанската Ла Лига каде приходите изнесуваат 3.4 милијарди евра.
На третото место е Бундеслигата која генерирала добивка од 3.3 милијарди евра, што е за 177 милиони евра или шест проценти повеќе во однос на сезоната 2017/18.
Екипите од Серија А заработија 2.5 милијарди евра, а најслаба од „Лигата пет“ е француската Лига 1 која има добивка од 1.9 милијарди евра.