Македонскиот репрезентативец Елиф Елмас зборуваше за својата улога во италијанскиот шампион Наполи, нагласувајќи дека му е целосно на располагање на тренерот Антонио Конте, без разлика на позицијата на која ќе биде поставен.

„Секогаш се обидувам да го дадам најдоброто од себе. Се чувствувам добро, во добра состојба сум, пристигнав подготвен, го чекам мојот момент, се надевам дека ќе добијам повеќе минути за игра, но сè зависи од тренерот. Достапен сум за сите позиции, се обидувам да го дадам најдоброто од себе. Денес не успеав да постигнам гол, но одиме напред. Конте рече дека новите играчи почнуваат веќе да му помагаат на тимот, а јас се обидувам да го завршам својот дел најдобро секогаш кога ќе добијам шанса“ – рече Елмас.

Елмас беше стартер на последниот натпревар против Ајнтрахт Франкфурт (0-0) во Лигата на шампионите и го одигра целиот меч, создавајќи една од најголемите шанси на натпреварот, но неговиот удар го запре голманот на германскиот тим.

Преземено од: Sport.com.mk