Американската актерка Тери Хачер (59), најпозната по улогата во хит серијата „Очајни домаќинки“, откри дека била исклучена од популарна апликација за онлајн запознавање.

„Ги пробав сите апликации, а ја пробав и најновата. Ја пробав ‘Хинџ’“, изјави таа во една емисија.

„Си помислив: ‘Ќе му кажам на универзумот дека сум ранлива и дека сум отворена за нови можности’. Ова е она што мислев дека ќе се случи откако ќе се приклучам на апликацијата. А потоа ме исклучија од апликацијата баш така“, откри Хачер.

Водителот да ја праша зошто се случило тоа, а актерката откри дека од апликацијата мислеле дека се работи за лажен профил.

„Па, тие мислеа дека се преправам дека сум Тери Хачер. Ми се извинија, а потоа им реков дека тоа повеќе не ме интересира. Дефинитивно завршив со апликациите за запознавање и чувствувам дека средбата со некој треба да биде полесна. Но, искрено, среќна сум. Имам навистина исполнет, зафатен живот. Имам прекрасни пријатели. Тоа е во ред. Не ми треба маж, си имам мачка“, заклучила актерката.