Дуковски потврди дека добил анинимен повик со закани кон животот на Боки 13
Непосредно пред да дојде Бојан Јовановски во обвинителството, од непознат број ми се јави машки глас и ми рече: „кажи му на тој денес кога ќе оди во обвинителство да не зборува зошто ќе го убиеме“, вели бранителот на Јовановски, Сашо Дуковски.
-Овој случај веднаш го пријавив во полиција, изјави за МКД.мк Сашо Дуковски, бранител на Бојан Јовановски.
Дуковски прашал кој се јавува, но добил одговор: „ти рековме да не прашуваш многу туку само да му пренесеш на педерот дека ако збори ќе го убиеме“.
Адвокатот Дуковски вели дека тој не добил никаква закана.
Инаку, денеска Бојан Јовановски во Основното јавно обвинителство Скопје поднесе кривични пријави на записник за злоупотреба на службена положба и овластување, изнуда, измама, давање на лажен исказ, можеби тортура и несовесно лекување. Пријавите се за лица од државните институции и за лица што се надвор од овие институции.
Бојан Јовановски поднесува повеќе кривични пријави во ОЈО Скопје