Државниот завод за статистика склучи договор со Македонски Телеком АД Скопје за набавка на информатичка опрема, чија проценета вредност е 190 милиони денари, односно околу 3 милиони евра.

Според техничката спецификација на набавката, станува збор за набавка на 5.650 лаптопи, од што произлегува дека ДЗР за еден лаптоп ќе потроши 540 евра.

Директорот на ДЗР, Апостол Симовски, вели дека лаптопите ќе се користат за спроведување на пописот и дека со нивната набавка ќе се заштедат пари. Тој објаснува дека, доколку пописот се спроведува со хартија, ќе се потрошат околу 2,5 до 3 милиони денари повеќе.

Симовски најави дека подоцна ќе ни даде повеќе детали.

Спроведувањето на пописот во Македонија Европската Унија го бара уште во првиот бран на бенч марковитге кои државата треба да ги спроведе на својот пат за членство во Унијата. Првиот вицепремиер и министер за политички систем и односи меѓу заедниците, Артан Груби, завчера му се заложил пред новиот амбасадор и шеф на делегацијата на Европската Унија (ЕУ) во земјава, Дејвид Гир, дека пописот успешно ќе биде завршен во текот на следната година.